صدقني أنا عارف إن الصلاة فرض وإني لازم أصلّي في الجامع
صدقني انا عارف إن السجاير حرام وإنها بتضيع فلوسي وصحتي
صدقني أنا عارف ان القهاوي حرام
صدقني انا عارف إن المفروض ما ارتبطش بالبنات وأكلمهم.. وإن اللي هعمله معاهم هيتردلي في عيلتي
صدقني انا عارف إن أنا على غلط وإن أنا كده قريب من النار
صدقني أنا عارف أن الحشيش والإستيلا والمخدرات حرام وبتضيعلي عقلي وبتخليني زي الحيوان
صدقني أنا مش وحش وأنا بحب ربنا وبحب النبي صلي الله عليه وسلم
صدقني .. وصدقني.. وصدقني
*******
صدقني أنا عارفة إن شعري لازم أغطيه وإني بآخد سيئة بكل شعرة بتبان منه .. وإن كل شاب بيتفتن بيّا بآخد سيئة عليه
صدقني أنا عارفة إني لازم أصلي.. وإني أحافظ على نفسي لحد ما أتجوّز
صدقني انا عارفة إن المفروض مقعدش على قهاوي وأشرب شيشة
صدقني انا عارفة إن المفروض محدش يلمسني غير اللي يحلّ ليّا بس
صدقني أنا عارفة إني المفروض ما أنزلش من بيتنا بالهدوم دي
صدقني.. وصدقني.. وصدقني
وفي الآخر إدعيلي ربنا يهديني
وفي الآخر إدعيلي ربنا يهديني
*******
معلومة بسيطة: المعرفة غير الإيمان
إنك عارف ان الصلاة فرض, مش كفاية
كلنا عارفين ان اللي بيسمع الأذان بيوطّي صوت الكاسيت وقت الأذان.. إنما لو كان مؤمن كان نزل صلّى
انا عارف إنك عارفة إن الحجاب فرض.. بس فين حجابك؟ فين إيمانك؟ إنك لازم تكوني عفيفة.. إنك أغلى من الجواهر.. متقوليش القماشة اللي على الراس دي حجاب مش هنضحك على بعض
*******
إنتوا فين؟.. ورايحين فين؟
انتوا مستنيين إيه؟
مستنيين إن أخوك أوأختك أو بنتك تموت قدامك وهي بتعمل المعصية؟
مستني إن ربنا يبتليك بسرطان ولاّ شلل علشان تتوب وتفوق من اللي انت فيه؟
مستنية إن ربنا يبتليكي بمرض جلدي عشان تخبّي لحمك اللي مفرّجة الناس عليه؟
ولاّ يوقعلك شعرك اللي مطيّراه على الناس؟
ولا مستني ربنا يعميك بعينك اللي ما بتسيبش بنت معدية إلا وفحصت بيها كل حتّه فيها؟
مستني إنك تدخل القبر ويسألك الملكين: من ربك؟ ومن نبيك؟ وما دينك؟
هترد بإيه؟
هترد باللي كنت عايش عليه في الدنيا؟
كنت بتعيّط عشان حبيبك.. ومعيّطش من خشية ربنا؟
كنت بتبص للبنات ومبصّتش في كتابه تقرأ قرآنه؟
هتقول إيه لنبيك على الحوض؟
هتقولّه انا بحبك بس مبسمعش كلامك؟
فوقوا بقى
فوقوا بقى قبل ما تموتوا
*******
*******
المشاركات
اولا: مبارك على المدونة الرائعه واللهم اجعلها فى ميزان حسناتك .
ردحذفثانيا: جزاك الله خير على كلامك الرائع وطريقتك المبسطة
فعلا والله ننتظر وننتظر الا متى ؟
الا يوم االقيامة يوم لن ينقعك مالا او بنون
جزاكى الله خير
ردحذفاحنا فعلا مستنيين ايه
عايزين ايه
ده اللى ساعات الواحد بيحس بيه
انا مستنى ايه عشان اتوب
مستنى ايه عشان ارجع لربنا
طب انا عايز ايه من حياتى
انا عايز ربنا ورسولى
ولا عايز انفذ شهواتى وذنوبى
وانا عايش عشان كده
طب هو انا بحب ربنا ولا لا
طب مادام بحبه ليييه
مش بتوب ليه
مادام عايز نصرت رسولى
ليه مش بتبع سنته
الصديق محمد خالد
ردحذفانا متفق معاك تماما في المسأله دي
بأعتبار اننا بعدنا اى عن ربنا
لكن في نقطة احب اضحها التربية الاسلامية المخلصة اللي ممكن تكون حصلتها
غير مشفهاش لذا فاسلب الدعة مختلف
الم يقل الا مام حسن البنا
لتلاميذه ان دعوتكم هذى مازالت مجهوله
للناس فاذا فهموها واستطاعوا
الاقتراب منها الا فانهم اعداء لها
اسف مش حافظ النص كامل بس بتابع
اليمين دول
ابقي اسال عليا بقا
مدونتك رائعه يا اخي & والموضوع اروع
ردحذفننتظر منك المزيد &
و جزاك الله خيرا
تذكرتك خرجت من قلب صادق فوصلت سريعا
ردحذفجزاك الله خيرا